موسمی بیماریوں سے متعلقہ امور پر تمام اضلاع کے ایڈیشنل کلکٹروں اور میونسپل کمشنروں کے ہمراہ کے ٹی آر کی ویڈیو کانفرنس
پدا پلی ۔ /10 مئی (سیاست ڈسٹرکٹ نیوز) ریاست بھر کے تمام بلدیات میں موسمی بیماریوں سے بچنے کے لئے عوام کی شراکت داری کو یقینی بناتے ہوئے ہر اتوار صبح 10 بجے دس منٹ کے لئے ہر گھر میں لازمی طور بیکٹریا اور مچھروں سے بچاؤ کے تحت اقدامات کرنے کی ریاستی وزیر بلدی امور کے ٹی آر نے متعلقہ عہدیداروں کو تاکید کی. کووڈ۔ 19 وائرس پر قابو ‘ موسمی بیماریوں سے متعلقہ امور پر بروز ہفتہ وزیر موصوف نے تمام اضلاع کے ایڈیشنل کلکٹروں اور میونسپل کمشنروں کے ہمراہ ویڈیو کانفرنس کا انعقاد عمل میں لایا. اس کانفرنس سے خطاب کرتے ہوئے انھوں نے کہا کہ کورونا وائرس کو پھیلنے سے روکنے میں ایڈیشنل کلکٹروں اور میونسپل کمشنروں کی خدمات قابل ستائش ہیں. مستقبل میں بھی اسی جذبہ کے ساتھ وائرس کو پھیلنے سے روکنے کے لئے احتیاطی تدابیر پر عمل کرنے کی انھوں نے ہدایت دی. انھوں نے کہا کہ موجودہ حالات کے پیش نظر مزید 18 مہینے ہمیں کورونا سے نمٹنا ہوگا. لاک ڈاؤن میں نرمی کے دوران کورونا وباء کے پھیلاؤ کو روکنے کے لئے عہدیداروں کو اقدامات کرنے اور محتاط رہنے کی وزیر موصوف نے تاکید کی. ریاست بھر میں لاک ڈاؤن ہٹادئیے جانے پر کورونا وائرس پھیلنے کے امکانات زیادہ ہیں’ جس سے بچاؤ کے تحت تمام ضروری احتیاطی تدابیر اختیار کرنے کی انھوں نے عہدیداروں کو ہدایت دی. کووڈ۔19 وائرس سے بچاؤ کے تحت ماسک لگانے’ سماجی فاصلہ بنائے رکھنے اور سانیٹائیزر کے استعمال کو جاری رکھنے ‘ ماسک نہ لگانے پر -/1000 جرمانہ عائد کرنے کی وزیر موصوف نے تاکید کی. شہروں میں جفت وطاق پالیسی ( ایک دن جفت نمبر اور دوسرے دن طاق نمبر کی دکانیں کھلنا) کے تحت صنعتی کاموں کو روبہ عمل لانے کی ہدایت دی. انھوں نے کہا کہ کووڈ۔ 19 وائرس سے نمٹنے میں صفائی عملہ کی خدمات قابل ستائش ہیں. صفائی عملہ کی حفاظت کے تحت تمام احتیاطی اشیاء ہر وقت دستیاب رکھنے’ ہر ہفتہ ان کی ابتدائی طبی جانچ کروانے’ حفاظتی اشیاء کے بغیر صفائی کے کام نہ کرنے اور صفائی عملہ کو حفاظتی سامان کی فراہمی کی مکمل ذمہ داری میونسپل کمشنر کو سنبھالنے کی وزیر موصوف نے تاکید کی.شہروں میں موسمی بیماریوں سے متعلقہ کیلنڈر تیار کرنے کی متعلقہ عہدیداروں کو تاکید کی. شہروں میں صفائی کے تحت بیکٹریا اور مچھروں سے بچاؤ کے لئے ضروری اقدامات کرنے اور شہروں کی صفائی کو زیادہ ترجیح دینے کی تاکید کی. شہروں میں اینٹی لاروا پروگرام کو کل سے روبہ عمل لانیاور گندے نالوں کی صفائی کرنے کی تاکید کی. شہروں میں ہریالی بڑھانے کے تحت لگائے گئے پودوں کی حفاظت کے لئے اقدامات کرنے کی عہدیداروں کو ہدایت دی۔ ایڈیشنل کلکٹر لکشمی نارائنا’ راماگنڈم میونسپل کمشنر اودئے کمار’ پداپلی میونسپل کمشنر تروپتی اور متعلقہ عہدیداروں نے اس ویڈیو کانفرنس میں شرکت کی.