این آر آئی خاتون کی شکایت، جعلسازی کے ذریعہ دستاویزات تیار کرنے کا الزام
حیدرآباد۔/16 جولائی، ( سیاست نیوز) بی آر ایس پارلیمانی پارٹی لیڈر ( راجیہ سبھا ) کے کیشوراؤ کے فرزند کے خلاف این آر آئی خاتون اور ان کے شوہر کو دھوکہ دینے اور جعلسازی کے ذریعہ دستاویزات تیار کرنے کا مقدمہ بنجارہ ہلز پولیس اسٹیشن میں درج کیا گیا ہے۔ یہ مقدمہ مقامی عدالت کے حکم پر درج کیا گیا ہے۔ تفصیلات کے مطابق کے کیشوراؤ کے فرزند وینکٹیشور راؤ نے این آر آئی خاتون 72 سالہ جی جیہ مالا اور ان کے شوہر جی بھاسکر راؤ متوطن نیو جرسی امریکہ جو گذشتہ 35 سال سے امریکہ میں مقیم ہیں، ویپلو کمار اور کے وینکٹیشور راؤ جو بی آر ایس پارلیمانی پارٹی لیڈر کے کیشوراؤ کے فرزند ہیں نے جعلسازی کے ذریعہ ان کی جعلی دستخط کرتے ہوئے ان کا پلاٹ فروخت کردیا۔این آر آئی خاتون نے اپنی درخواست میں بتایا کہ روڈ نمبر 12 پر واقع 469 مربع گز اراضی کو دھوکہ دہی کے ذریعہ فروخت کردیاگیا۔ درخواست میں بتایا گیا ہے کہ جی جیہ مالا نے 1983 میں پی سدرشن ریڈی کے ہمراہ مذکورہ اراضی شیخ علی بن احمد سے خریدی تھی اور ان کے پارٹنر سدرشن ریڈی نے زبانی طور پر اراضی کا بٹوارہ کردیا تھا لیکن این آر آئی خاتون اس وقت حیرت زدہ ہوگئیں جب ان کے شوہر جی بھاسکر راؤ کو محکمہ انکم ٹیکس کی جانب سے ایک وجہ نما نوٹس موصول ہوئی جس میں ایک کروڑ 40 لاکھ کی اراضی فروخت کرنے پر ٹیکس کی عدم ادائیگی پر کارروائی کا انتباہ دیا گیا۔ اس نوٹس کے بعد ہی این آر آئی خاتون کودھوکہ دہی کا شکار ہونے کا پتہ چلا۔ حالانکہ اس پلاٹ کی قیمت 2 کروڑ سے زائد ہے لیکن رجسٹریشن کے دفتر میں محض 3 لاکھ روپئے ادا کرکے ویپلو کمار نے جی وینکٹیشور راؤ کے نام پر منتقل کرلی۔درخواست گزار خاتون نے جلعسازی اور دھوکہ دہی کا پتہ چلنے پر ویپلو کمار اور کے وینکٹیشور راؤ کی جانب سے تیار کئے گئے دستاویزات کی کاپیاں حاصل کی اور اس کی صداقت کیلئے ٹروتھ لیاب فارنسک سرویسیس کی خدمات حاصل کی اور اس سلسلہ میں ماہرین کی رائے حاصل کی ۔ ٹروتھ لیابس نے درخوات گزار خاتون جی جئے مالا کو اپنے جواب میں یہ بتایا کہ ان کی دستخط ہونے کا دعویٰ کرتے ہوئے تیار کئے گئے دستاویزات جعلی ہیں چونکہ ان کی اصلی دستخط اور رجسٹریشن پر موجود دستخط میل نہیں کھاتے۔/13 اپریل کو انسپکٹر بنجارہلز کو بذریعہ رجسٹرڈ پوسٹ جیا مالا نے درخواست بھیجی تھی لیکن اس کے موصول ہونے کے بعد بھی پولیس بی آر ایس لیڈر کے فرزند کے خلاف کارروائی کرنے سے قاصر رہی ۔درخواست گذار خاتون نے پولیس بنجارہ ہلز سے تحریری شکایت درج کروائی جس پر پولیس نے کارروائی کرنے سے انکار کردیا جس کے نتیجہ میں جیہ مالا نے نامپلی کے تیسرے ایڈیشنل چیف میٹرو پولیٹن مجسٹریٹ سے درخواست درج کرائی اور عدالت نے بنجارہ ہلز پولیس کو ویپلو کمار اور کے وینکٹیشور راؤ کے خلاف تعزیرات ہند کی دفعہ 417، 464، 465، 468،470 اور 471 کے تحت مقدمہ درج کرنے کی ہدایت دی ۔ بنجارہ ہلز پولیس کے سب انسپکٹر ایس نوین ریڈی نے اس سلسلہ میں ایف آئی آر نمبر 559/2023 جاری کیا اور اس سلسلہ میں تحقیقات کا آغاز کیا ۔ ب