حیدرآباد، 28 اپریل (یو این آئی) بی آر ایس کا پارٹی فنڈ بڑھ کر 1250 کروڑ روپے ہو گیا ۔بی آر ایس سربراہ و چیف منسٹر تلنگانہ چندر شیکھر راؤ نے یہ اطلاع دی۔انہوں نے بتایا کہ پارٹی نے بینک میں 767 کروڑ روپے جمع کئے اور ہر ماہ سود کے طور پر 7 کروڑ روپے حاصل کئے ہیں۔ پارٹی آپریشنز، اضلاع میں پارٹی دفاتر کی تعمیر، انتخابی مہم و انفراسٹرکچر پر خرچ کیا جا رہا ہے ۔بی آر ایس ذرائع کے مطابق جمعرات کو پارٹی یوم تاسیس کی تقریبات کے موقع پر مالی معاملات سے متعلق قرارداد منظور کی گئی ۔ اس کے ساتھ دیگر ریاستوں میں کھاتہ کھولنے ، پارٹی کی مہم کے لیے ملک بھر میں میڈیا دفاتر کے قیام جیسی قراردادیں بھی پاس کی گئیں۔انہوں نے بتایا کہ آئندہ 4 مئی کو قومی راجدھانی میں بی آر ایس دفتر کا افتتاح کیا جائے گا۔
