نئی دہلی: مواصلات کے وزیر جیوترادتیہ سندھیا نے جمعرات کو راجیہ سبھا میں بتایا کہ بھارت سنچار نگم لمیٹڈ (بی ایس ین ایل) نے 18 برسوں میں پہلی بار منافع کمایا ہے ۔ایوان میں وقفہ سوالات کے دوران ایک ضمنی سوال کے جواب میں مسٹر سندھیا نے کہا کہ بی ایس این ایل نے اکتوبر-دسمبر 2024 کی سہ ماہی میں 262 کروڑ روپے کا خالص منافع کمایا ہے ۔ انہوں نے کہا کہ اس سے قبل سال 2007 میں خالص منافع ریکارڈ کیا گیا تھا۔ایک دیگر ضمنی سوال کے جواب میں انہوں نے کہا کہ دنیا میں تیزی سے فائیو جی کا دائرہ تیزی سے بڑھ رہا ہے ۔ انہوں نے کہا کہ ہندوستان دنیا کا پانچواں ملک ہے جو اپنے مواصلاتی نظام میں دیسی ساختہ آلات استعمال کر رہا ہے ۔ اس سے پہلے صرف فن لینڈ، سویڈن، جنوبی کوریا اور چین مواصلاتی نظام کے لیے آلات تیار کر رہے تھے ۔ ہندوستان اپنے مواصلاتی نظام میں دیسی ساختہ آلات استعمال کر رہا ہے ۔ انہوں نے کہا کہ ملک میں مواصلات کی رسائی کو بڑھانے کے لیے ایک لاکھ موبائل ٹاورز لگانے کا ہدف ہے ۔ انہوں نے کہا کہ 4G خدمات 99 فیصد زمین اور 82 فیصد آبادی تک پہنچ چکی ہیں۔
