ڈھاکہ،24جنوری (سیاست ڈاٹ کام) بنگلہ دیش کی اہم اپوزیشن پارٹی بنگلہ دیش نیشنلسٹ پارٹی (بی این پی)روہنجیا مسلمانوں کے مسئلے پر میانمار کے خلاف بین الاقوامی عدالت میں معاملہ درج کرانے کے لئے گامبیا حکومت کا شکریہ اداکیا ہے ۔بین الاقوامی عدالت نے حال ہی میں میانمار حکومت راخنے صوبے میں مبینہ قتل عام سے روہنجیا مسلمانوں کی حفاظت کے لئے فوری قدم اٹھانے کی ہدایت دی تھی۔بین الاقوامی عدالت کے جج عبد القوي یوسف نے کہا تھا کہ بین الاقوامی عدالت کا ماننا ہے ہ روہنجیا مسلمان میانمار میں بے حد تکلیف میں ہیں۔بی این پی کے جنرل سکریٹری مرزا فخرالاسلام عالم گیر نے کہا،‘‘ہم بین الاقوامی عدالت کے حکم کے سلسلے میں گامبیا کو مبارکباد دیتے ہیں۔ہم ان کا شکریہ ادا کرتے ہیں کہ بین الاقوامی عدالت نے ان کی پہل پر یہ حکم دیا۔’’انہوں نے کہا کہ بین الاقوامی عدالت نے میانمار کو روہنجیا کے خلاف ذات پات پر مبنی تشدد بند کرنے کی ہدایت دی ہے ۔مسٹر عالم گیر نے کہا،‘‘میانمار کے خلاف گامبیا کے ذریعہ دائر کئے گئے معاملے میں سماعت جاری رہے گی۔ہم بین الاقوامی عدالت میں معاملہ دائر کرنے کے لئے گامبیا کا شکریہ کرتے ہیں۔’’ایک اندازے کے مطابق اگست 2017سے اب تک 745000روہنجیا مسلمان میانمار سے بنگلہ دیش چلے گئے ہیں۔
