نئی دہلی: کانگریس لیڈر راہول گاندھی نے جمعہ کے روز آسام کے صحافی پیراگ بھویاں کے قتل کا معاملہ اٹھاتے ہوئے بی جے پی کو ہدفت تنقید بناتے ہوئے الزام عائد کیا کہ بی جے پی اقتدار والی ریاستوں میں بدعنوانی کو بے نقاب کرنے والی صحافت کا گلا گھونٹا جارہا ہے ۔راہول گاندھی نے ٹویٹ کیا کہ بی جے پی لیڈروں کی بدعنوانی کو بے نقاب کرنے والے صحافی پیراگ بھویان کو مشکوک حالات میں قتل کردیا گیا۔ آسام، مدھیہ پردیش و یو پی میں بی جے پی کی حکمرانی میں سچی صحافت کا گلا گھونٹا جارہا ہے اورتماشہ کرنے والوں کو تحفظ مل رہا ہے ۔کانگریس لیڈر نے کہاکہ یو پی کے صحافی ونے تیواری کو بی جے پی غنڈوں نے بے دردی سے پیٹا۔ اگر حقوق کا معاملہ چل نکلا ہے تو پھر یہ پوچھ لیا جائے کہ کچھ چنندہ صحافیوں کے لئے حقوق یاد آئیں گے یا ونے تیواری جیسے متاثرین کے لئے بھی۔