نئی دہلی ۔ 7؍ ستمبر ( ایجنسیز)عام آدمی پارٹی کے قومی کنوینراور دہلی کے سابق وزیر اعلیٰ اروند کجریوال نے کہا کہ ‘ووٹ چوری’ بہت غلط ہے۔ تمام جماعتوں کی طرف سے صحیح مسئلہ اٹھایا جا رہا ہے۔ملک بھر میں ‘ووٹ چوری’ کے معاملے پر سیاست گرم ہو گئی ہے۔ عام آدمی پارٹی کے قومی کنوینر اور دہلی کے سابق وزیر اعلیٰ اروند کیجریوال نے اس معاملے پر بی جے پی پر شدید تنقید کی ہے۔ انہوں نے الزام لگایا کہ تمام اپوزیشن جماعتوں نے صحیح مسئلہ اٹھایا ہے۔ کیجریوال نے یہ بھی کہا کہ بی جے پی کو احساس ہو گیا ہے کہ وہ جیت نہیں سکتی اس لیے وہ ووٹ چوری کا سہارا لے رہی ہے۔گجرات کے راجکوٹ کے دورے کے دوران عام آ دمی پارٹی کے قومی کنوینر نے میڈیا سے بات کرتے ہوئے کہا کہ جس طرح سے بی جے پی کو اب یہ محسوس ہونے لگا ہے کہ وہ جیت نہیں سکتی، وہ ووٹ چوری کرکے جیتنے کی کوشش کر رہی ہے۔حال ہی میں عام آدمی پارٹی نے بی جے پی اور الیکشن کمیشن پر انتخابی عمل میں دھاندلی کا الزام لگایا تھا۔
اور اس کے لیے کانگریس کو بھی ذمہ دار ٹھہرایا تھا۔ اے اے پی کی ترجمان پرینکا ککڑ نے کہا تھا کہ بی جے پی اور الیکشن کمیشن کی ‘ووٹ چوری’ کے پیچھے کانگریس کی خاموشی ایک بڑی وجہ ہے۔
