اعظم گڑھ ۔ سماج وادی پارٹی(ایس پی) صدر اکھلیش یادو نے ہفتہ کو مہنگائی کیلئے بھارتیہ جنتا پارٹی(بی جے پی) موردالزام ٹھہراتے ہوئے کہا کہ وہ غریبوں کا جیب کاٹ کر صرف امیر وں کے خزانے بھر نے میں مصروف ہے ۔ ایک انتخابی ریلی سے خطاب کرتے ہوئے اکھلیش نے کہا‘مہنگائی کیلئے بی جے پی ذمہ دار ہے ۔پٹرول۔ ڈیزل کی قیمتیں بڑھا کر انہوں نے غریبوں کی جیب پر ڈاکہ زنی کری اور امیروں کے خزانے بھرنے کا کام کیا۔انہوں نے کہا بی جے پی نے لوگوں کے حقوق و وقار چھین لیا ہے ۔بی جے پی نے اپنے پانچ سالہ میعاد کار میں ہماری و عوام کی توہین کی ہے ۔انہوں نے اعظم گڑھ کی ترقی میں روڑے اٹکائے ہیں۔انہوں نے کوئی بھی نئی چیز کا آغاز نہیں کیا اور ایس پی میعاد کار میں جو بھی شروع کیا گیا تھا اسے روک دیا۔ اکھلیش نے دعوی کیا کہ سماج وادی پوروانچل ایکسپریس وے کے علاوہ ایس پی حکومت نے اعظم گڑھ کیلئے میڈیکل کالج اوراسپتال تعمیر کروائے و ایمبولنس کا انتظام کیا۔اس وقت صرف روڈ تعمیر کرائی گئی ہے جب ایس پی حکومت آئے گی تو ایکسپریس وے کے کنارے منڈیاں بنائی جائیں گی تاکہ کسانوں کو اپنے پیدوار کی مناسب قیمت مل سکے ۔ انہوں نے کہا کہ اپنے پانچ سالہ میعاد کار میں بی جے پی حکومت نے صرف کسانوں کو لوٹا ہے ۔وہ کسانوں کی پیدوار کی مناسب قیمت دینے میں بھی ناکام رہے ۔حکومت کسانوں کے مفاد میں کوئی بھی فیصلہ کرنے میں ناکام رہی۔میں تیقن دیتا ہوں کہ جب ایس پی اقتدار میں آئے گی تو کسانوں کو کم از کم سہارا قیمت دی جائے گی۔ ایس پی صدر نے 300یونٹ مفت بجلی دینے کے اپنے وعدے کو دہراتے ہوئے کہا کہ کسانوں کو آپباشی کے لئے مفت بجلی فراہم کی جائے گی۔ہم پولیس میں تقرریاں نکالی جائیں گی۔ساتھ ہی اس وقت 11لاکھ سرکاری اسامیاں خالی ہیں حکومت بننے پر ہم ان اسامیوں کو بھریں گے ۔ انہوں نے بی جے پی لیڈروں پر طنز کستے ہوئے کہا‘ان کے ایک لیڈر نے کہا کہ انٹر کے بعد 12ویں جماعت میں داخلہ لینے پر طلبہ کو لیپ ٹاپ دیں گے ۔
شکر ہے انہوں نے یہ نہیں کہا کہ ہم انٹر کے بعد 10ویں جماعت میں داخلہ لینے والوں کو لیپ ٹاپ دیں گے ۔
