’بی جے پی نے ہر جگہ کیروسین چھڑک دیا ہے‘:راہول گاندھی

,

   

لندن کی کیمبرج یونیورسٹی میں کانگریس قائد کا بیان
نئی دہلی: کانگریس لیڈر راہول گاندھی ’آئیڈیاز فار انڈیا‘ کانفرنس میں شرکت کے لیے لندن کی کیمبرج یونیورسٹی پہنچے ہیں۔ جمعہ کے روز انہوں نے بی جے پی پر شدید تنقید کی۔ راہول گاندھی نے کہا کہ کانگریس پہلے جیسا ہندوستان حاصل کرنا چاہتی ہے اور اس کے لیے جدوجہد کر رہی ہے۔ جبکہ بی جے پی پارٹی اور اس کے قائدین عوام کی آواز کو دبانے کی کوشش کر رہے ہیں ہے۔ راہول نے چین کے حوالہ سے بھی مرکزی حکومت پر تنقید کی۔راہول نے اپنے بیان میں کہاہندوستان دیکھ رہا ہے کہ ان اداروں پر حملے ہو رہے ہیں جنہوں نے ملک تعمیر کیا، ان پر اب ’ڈیپ اسٹیٹ‘ کا قبضہ ہے۔‘‘دہلی کی کیمبرج یونیورسٹی میں ہونے والی اس کانفرنس میں راہول گاندھی کے علاوہ سیتارام یچوری، سلمان خورشید، تیجسوی یادو، مہوا موئترا اور منوج جھا سمیت اپوزیشن کے متعدد قائدین بھی شریک ہوئے۔راہول نے کہا کہ یہ ایک نظریاتی جنگ ہے، ایک قومی نظریاتی جنگ۔ بی جے پی اور سنگھ ہندوستان کو ایک جغرافیہ کے طور پر دیکھتے ہیں لیکن کانگریس کے لیے ہندوستان لوگوں سے بنتا ہے۔ تاہم، انہوں نے یہ بھی اعتراف کیا کہ کانگریس اندرونی کشمکش، بغاوت، انحراف اور انتخابات میں شکست سے نبردآزما ہے۔راہول نے کہا کہ بی جے پی حکومت میں روزگار میں کمی آئی ہے، اس کے باوجود یہ پولرائزیشن کی وجہ سے اقتدار میں ہے۔ آج ہندوستان کی حالت اچھی نہیں ہے۔ بی جے پی نے چاروں طرف ’کیروسین‘ چھڑک رکھا ہے۔ انہوں نے کہا کہ ’’ہم کہہ رہے ہیں ہمارے پاس ایک ایسا ہندوستان ہے جہاں مختلف خیالات کا اظہار کیا جا سکتا ہے۔‘‘راہول گاندھی سے جب جمہوریت کے بارے میں سوال پوچھا گیا تو انہوں نے کہا کہ اب ہر ادارے پر حکومت کا قبضہ ہو چکا ہے۔ ہر ادارے پر حملہ ہو رہا ہے۔