پنجی: گوا کے وزیر اعلیٰ پرمود ساونت کی قیادت میں بی جے پی کے ایک وفد نے گورنر پی ایس سری دھرن پلئی سے وزیر اعظم نریندر مودی کے دورہ پنجاب کے دوران سیکورٹی میں لاپروائیوں پر پنجاب کانگریس حکومت کو برخاست کرنے کی اپیل کی ہے ۔ سرکاری ذرائع نے جمعہ کو یہ اطلاع دی۔ جمعرات کی شام صحافیوں سے بات کرتے ہوئے ڈاکٹر ساونت نے کہا یہ ملک کی تاریخ میں اس طرح کا پہلا واقعہ ہے ۔ جب ایک ریاستی حکومت جو وزیر اعظم کو سیکورٹی نہیں دے سکتی تو ہم عام لوگوں کی حالت کے بارے میں کچھ بھی نہیں سوچ سکتے ۔ انہوں نے کہا کہ ہم نے گورنر سے صدر کی مداخلت طلب کی ہے اور کانگریس حکومت کو برطرف کرکے پنجاب میں صدر راج نافذ کرنے کی درخواست کی ہے ۔ وفد میں بی جے پی گوا یونٹ کے صدر سدانند شیٹ تانڈوے ، ریاستی محصولات کی وزیر جینیفر مونسی راٹے ، این آر آئی کمشنر نریندر سوائیکر، ایم ایل اے ٹونی فرنانڈس اور دیگر شامل تھے ۔