نئی دہلی: وزیراعظم نریندر مودی نے بی جے پی لیڈروں سے کہا ہے کہ وہ رکشا بندھن کے آنے والے تہوار کے دوران مسلم خواتین سے رابطہ کریں۔انہوں نے اس بات پر زور دیتے ہوئے کہ تین طلاق پر پابندی لگانے کے ان کی حکومت کے فیصلے نے مسلم خواتین کے لئے مجموعی طور پر مبینہ طور پر تحفظ کے احساس کو بڑھایا ہے۔ مودی نے یہ بات مغربی بنگال، اڈیشہ اور جھارکھنڈ کے بی جے پی زیرقیادت این ڈی اے کے ارکان پارلیمنٹ کی میٹنگ میں کہی جس میں انہوں نے اور دیگر سینئر بی جے پی لیڈروں نے سماج کے مختلف طبقات کے لیے مرکزی حکومت کے مختلف ترقیاتی اقدامات پر روشنی ڈالی۔2024 کے لوک سبھا انتخابات کی تیاری کی میٹنگ میں موجود کچھ ممبران پارلیمنٹ نے کہا کہ پی ایم مودی نے سماج کے ہر طبقے سے جڑنے کی ضرورت پر زور دیا۔پھر مسلم مردوں میں فوری طلاق کے عمل پر پابندی لگانے کے ان کی حکومت کے فیصلے کو نوٹ کیا۔ حکومت نے اس عمل کو جرم قرار دیا ہے۔انہوں نے کہا کہ یہ فیصلہ مسلم خواتین کے لئے ایک بڑا فروغ ہوا ہے، میٹنگ میں موجود کچھ ممبران پارلیمنٹ نے کہاکہ انہوں نے مزید کہا کہ وزیر اعظم نے انہیں اقلیتی برادری کی خواتین تک پہنچنے کے لئے رکشا بندھن کے دوران پروگرام منعقد کرنے کو کہا۔رکشن بندھن کا تہوار اس سال 30 اگست کو ہوگا۔
