لکھنؤ: اترپردیش میں بی جے پی کی اقتدار میں واپسی کیلئے مسلم سماج کو قصور وار قرار دیتے ہوئے بی ایس پی کی سربراہ مایاوتی نے کہا کہ اسمبلی انتخابات کے نتائج سے صاف ہوچکا ہیکہ ایس پی کے پاس نہ تو اترپردیش میں حکومت بنانے کی اور نہ ہی بی جے پی کو اقتدا رمیں آنے سے روکنے کی قابلیت ہے ۔بی جے پی کو اقتدار سے بیدخل کرنے کی قوت صرف بی ایس پی میں ہے۔ اتوار کو یہاں پارٹی کے دفتر میں اسمبلی انتخابات کے نتائج کے جائزہ کیلئے طلب کی گئی میٹنگ میں بی ایس پی سربراہ نے کہا‘ انتخابی نتائج سے صاف ہوگیا کہ ایس پی سے وابستہ مسلم سماج کا ووٹ یکطرفہ ہوگیا۔ دوسری طرف ہندو سماج نے بھی بی جے پی حکومت کی پالیسیوں و طرزعمل سے دکھی ہوتے ہوئے بھی یہ سوچھ کر اپنا زیادہ تر ووٹ بی جے پی کو دے دیا کہ کہیں یہاں پر پھر ایس پی کی غنڈہ، مافیا، دہشت زدہ، ہلا بو و بدعنوان راج وغیرہ واپس نہ آجائے۔
