ترووننتپور : بھارتیہ جنتا پارٹی (بی جے پی) صدر جے پی نڈا کیرالا میں آئندہ اسمبلی الیکشن کی تیاری کاجائزہ لینے کے لئے بدھ کو یہاں پہنچیں گے ۔مسٹر نڈا ریاست کے دو روزہ دورے کے تحت آج یہاں تریویندرم بین الاقوامی ہوائی اڈے پہنچیں گے ۔ پارٹی نے ان کی آمد پر موٹرسائکل ریلی کا بھی منصوبہ بنایا گیا ہے ۔پارٹی کے صدر جمعرات کو تریشور میں وڈکوناتھن مندر میدان پر ایک عوامی ریلی میں پارٹی کی انتخابی مہم کی شروعات کریں گے ۔ ریاست اسمبلی الیکشن میں سیٹوں تقسیم کی بحث کے سلسلے میں بی جے پی صدر یہاں ہائیسینتھ ہوٹل میں پارٹی کی ریاست کمیٹی کی میٹنگ میں حصہ لیں گے ۔ وہ کوڈیار میں نو منتخب کونسیلروں، بلاک اور ضلع پنچایت اراکین کو بھی خطاب کریں گے ۔
