چنڈی گڑھ : شرومنی اکالی دل(ایس اے ڈی) کے صدر سکھبیر سنگھ بادل نے آج الزام لگایا کہ پنجاب میں مذہبی بے ادبی کی کوششوں کے مسلسل ہورہے واقعات خطرناک اور تکلیف دہ ہیں۔کل دربار صاحب میں بے ادبی کے واقعات کے بعد کپور تھلہ میں آج بے ادبی کی کوشش کے واقعہ پر ردعمل کا اظہار کرتے ہوئے مسٹر بادل نے کہا کہ ایسی کوششیں مسلسل چونکانے والی ہیں اور اس کے ساتھ ہی پنجاب حکومت کی بے حسی بھی۔انہوں نے کہ اکہ اس سے کسی گہری سازش کی بوآرہی ہے ۔انہوں نے کہا کہ ایسے واقعات اور پہلے واقعہ کے بعد احتیاط نہ بڑھانا قابل معافی نہیں ہے ۔کل امرتسر میں دربار صاحب میں بے ادبی کی کوشش کے بعد ایک شخص کو احاطہمیں ہی پیٹ پیٹ کر قتل کردیا گیا تھا اور آج کپور تھلہ میں نظام پور پولیس چوکی کے سامنے واقع گردوارہ میں ایک شخص کو بے ادبی کی کوشش کے الزام میں پکڑا گیا اور اس کی پٹائی کی گئی۔ بعد میں پولیس نے اس شخص کو سکھ جتھے داروں کے چنگل سے چھڑا کر ایک کمرے میں بند کردیا۔
