جگتیال ۔ 28/ اپریل (سیاست ڈسٹرکٹ نیوز) جگتیال ضکع میں شہری غربت خاتمہ تنظیم ، جگتیال کی جانب سے بے سہارا لوگوں کے لئے قائم کردہ مسکن رہائشی و دیگر سہولیات کا ضلع کلکٹر جی روی نے آج معائنہ کیا اور تفصیلات حاصل کی ۔ اس موقع پر کمشنر بلدیہ جینت ریڈی کلکٹر کو واضح کیا کہ لاک ڈاؤن کے باعث روزگار سے محروم اور اپنے آبائی علاقوں کو واپس نہ لوٹنے والے مشکلات کا سامنا کررہے ، مزدور طبقے کے لئے قیام کی سہولت کے ساتھ ساتھ انہیںکھانے،کپڑے، صابن اور چادر و دیگر ضروری اشیاء کی فراہمی کی جارہی ہے ۔ ان میں بعض افراد مزدوری کے لئے بھی روانہ ہورہے ہیں ۔ اس موقع پر ضلع کلکٹر نے زمہ داروں کو تاکید کی کہ خواتین کی قیام گاہ میںپنکھوں، برقی اور دیگر مرمتی کاموں کی تکمیل کرنے کی جائے اور بیت الخلاء کے زیر التوا کاموں کو بھی مکمل کر نے کی ھدائیت دی اور اطراف کے ماحول کو صاف ستھرا رکھا جائے۔ مابعد انہوں نے قریب واقع ٹاؤن ہال کا بھی معائنہ کیا ۔ اس موقع پر کمشنر بلدیہ جیا کانت ریڈی، لچی ریڈی ڈپٹی ای میپما ، سانیٹری انسپکٹر دیویندر، ایوب خان اور دیگر موجود تھے۔
