کرشنا گری : تاملناڈو کے ضلع کرشنا گری میں پٹاخے کے کارخانے کے گودام میں ہفتہ کے روز ہونے والے دھماکے کے نتیجے میں 8 افراد اپنی جانوں سے ہاتھ دھو بیٹھے جبکہ کئی دیگر زخمی ہو گئے۔ اس میں تین خواتین سمیت آٹھ افراد ہلاک ہو گئے۔ پولیس نے بتایا کہ یہ واقعہ صبح 10 بجے کے قریب ضلع کے پزہایا پیٹائی میں پٹاخہ بنانے والے یونٹ میں پیش آیا۔ 2 خواتین مزدور پٹاخے بنانے میں استعمال ہونے والا بارود لے جا رہی تھیں۔ پھر اس میں دھماکہ ہوا۔ یونٹ میں تقریباً 12۔ 15 مزدور کام کر رہے تھے۔ ان میں سے کئی زخمی ہو گئے۔ زخمیوں کی صحیح تعداد کا ابھی تک پتہ نہیں چل سکا ہے۔ انہوں نے بتایا کہ دھماکے کے اثر سے یونٹ کے قریب مکانات اور کچھ دکانوں کو بھی نقصان پہنچا۔
پٹرول اور ڈیزل کی قیمتیں مستحکم
نئی دہلی: عالمی سطح پر خام تیل کی قیمتوں میں مسلسل اضافے کے باوجود پٹرول اور ڈیزل کی گھریلو قیامیتوں میں آج کوئی تبدیلی نہیں آئی، دہلی میں پٹرول کی قیامیت 96.72 روپے فی لیٹر اور ڈیزل 89.62 روپے فی لیٹر ہے ۔ تیل کی بڑی مارکیٹنگ کمپنی ہندوستان پیٹرولیم کارپوریشن کی ویب سائٹ پر جاری کردہ نرخوں کے مطابق آج ملک میں پٹرول اور ڈیزل کی قیمتوں میں کوئی تبدیلی نہیں ہوئی ہے ۔
دہلی میں ان کی قیامیتوں میں کوئی تبدیلی نہیں ہوئی، ممبئی میں پٹرول 106.31 روپے فی لیٹر اور ڈیزل 94.27 روپے فی لیٹر رہا۔
