یلاریڈی ۔ منڈل تاڑوائی کے کنکل علاقہ شیوار میں شام کو پیش آئے ۔ سڑک حادثہ میں ایک شخص ہلاک ہوگیا ۔ سب انسپکٹر کرشنا مورتی کی تفصیلات کے مطابق منڈل سداشیونگر کے دھرما راؤ پیٹ علاقہ سے تعلق رکھنے والا 32سالہ روی، دھرما راؤ پیٹ سے تاڑوائیکو بھائی کے گھر آیا ۔ شام کو گھر واپس ہوتے وقت بائیک بے قابو ہوکر سڑک پر کنکل شیوار میں گر پڑا ۔ اس کے سر پر شدید زخم لگے۔ جس پر اسے فوری کاماریڈی کے دواخانہ کو منتقل کیاگیا لیکن تب تک ہی یہ فوت ہوچکا تھا ۔ متوفی کے خاندان کی شکایت پر پولیس مقدمہ درج کرتے ہوئے مزید تحقیقات کر رہی ہے ۔
مہاراشٹرا کے پریشان ہال مریضوں کا تلنگانہ کی طرف رخ
بودھن ۔ پڑوسی ریاست مہاراشٹرا میں مرض کوویڈ دھماکو صورتحال اختیار کرتے جارہی ہے ۔ وہاں علاج و معالجہ کیلئے ڈاکٹرس و دواخانوں کی عدم دستیابی کی وجہ سے پریشان حال مریض تلنگانہ کے دواخانوں کا رخ کر رہے ہیں ۔ جبکہ تلنگانہ سرکار نے ریاستی چیک پوسٹس پر سخت پیرہ لگادیا جس کے باعث پڑوسی ریاست کے مریض رات کے اوقات میں جب کنداکرتی اور سالورہ چیک پوسٹ پر کوئی پہرہ دار موجود نہیں رہتے اس وقت روزانہ اوسط پانچ تا دس امبولنس ریاستی سرحد عبور کرکے تلنگانہ میں داخل ہونے کی اطلاعات ہیں۔