بیجنگ،27اگست(سیاست ڈاٹ کام)چین نے ہندوستان کو یقین دلایا ہے کہ وہ تبت اور دیگر علاقوں میں ڈیمس سے متعلق اس طرح کا کوئی تعمیراتی کام نہیں کرے گا جس سے ہندوستان میں سیلاب اور دیگر قدرتی آفات کا خدشہ ہو۔چین میں بین الاقوامی تعاون،سائنس اور ٹکنالوجی محکمے کے افسر ڈاکٹر وائی یو شنگجون نے یہاں ہندوستانی صحافیوں کی ایک ٹیم سے کہا،‘‘ہمارے ہندوستانی دوست بے فکر رہیں۔تبت میں جو بھی ہورہا ہے وہ سماجی -اقتصادی ترقی کے لئے اور لوگوں کی بھلائی کے لئے ہورہا ہے ۔’’انہوں نے یہ واضح کیا کہ تبت علاقے میں پانی کی سپلائی کسی دیگر مقصدسے نہیں بلکہ ان تبتی لوگوں کو زندہ رکھنے کے لئے ہورہی ہے جو بہت ہی مشکلات اور بغیر کسی ترقی کے اپنی زندگی وہاں بسر کررہے ہیں۔