نئی دہلی، 9 اکتوبر (یواین آئی) وزیر اعظم نریندر مودی نے جمعرات کو امریکی صدر ڈونالڈ ٹرمپ کے ساتھ دونوں ممالک کے درمیان تجارتی تعلقات پر تبادلہ خیال کیا۔ وزیر اعظم نے ہندوستان اور امریکہ کے درمیان تجارتی معاہدے کیلئے جاری بات چیت کا جائزہ لیا۔ سوشل میڈیا پر ایک پوسٹ میں مودی نے کہاکہ میرے دوست صدر ٹرمپ سے بات ہوئی اور انہیں تاریخی غزہ امن منصوبے کی کامیابی پر مبارکباد دی۔ تجارتی بات چیت میں ہونے والی اچھی پیشرفت کا بھی جائزہ لیا۔ آنے والے ہفتوں میں اس معاملے پر قریبی رابطہ برقرار رکھنے پر اتفاق کیا گیا۔
” قابل ذکر ہے کہ اگست کے اوائل میں ہندوستان کے ساتھ تجارتی معاہدہ نہ ہونے کی وجہ سے امریکہ نے ہندوستانی برآمدات پر 25 فیصد ٹیرف عائد کیا تھا اور بعد میں مسٹر ٹرمپ نے تعزیری اقدام کے طور پر روس سے تیل کی درآمد پر 25 فیصد اضافی ٹیرف لگا دیا تھا۔ وزیر اعظم نے اس دوران کہا ہے کہ ہندوستان اپنے کسانوں، ماہی گیروں اور چھوٹے اور درمیانے درجے کے کاروباری اداروں کے مفادات کے خلاف سمجھوتہ نہیں کرے گا۔ یہ پہلا موقع ہے جب مسٹر مودی نے سابقہ امریکی تجارتی کارروائی کے بعد ٹرمپ کے ساتھ تجارت پر تبادلہ خیال کیا ہے ۔ دونوں فریقوں نے تجارتی معاہدے کے حوالے سے سرکاری اور وزارتی سطح پر کئی دور کی میٹنگیں کیں۔ امریکہ ہندوستان کا سب سے بڑا تجارتی پارٹنر ہے ، جہاں ہندوستان سالانہ تقریباً 87 بلین ڈالر مالیت کا سامان برآمد کرتا ہ
