اسلام آباد : پاکستان پارلیمنٹ کے ایوان زیریں (قومی اسپیکر) کے اسپیکر راجہ پرویز اشرف نے پاکستان تحریک انصاف کے مزید 35 ارکان قومی اسمبلی کے استعفیٰ منظور کرتے ہوئے انہیں ڈی سیٹ کرنے کر لئے معاملہ الیکشن کمیشن آف پاکستان کو بھجوا دیا۔ اسپیکر قومی اسمبلی راجہ پرویز اشرف کی جانب سے پی ٹی آئی ارکان کے استعفیٰ 11 اپریل 2022 سے منظور کئے گئے ہیں۔قومی اسمبلی سیکرٹریٹ کی جانب سے جاری بیان کے مطابق پی ٹی آئی ارکان قومی اسمبلی کے استعفے اس تاریخ سے منظور کئے گئے ہیں جب انہوں نے مستعفی ہونے کے حوالہ سے لیٹرز جمع کروائے تھے۔ جن ارکان کے استعفیٰ منظور کئے گئے ہیں ان میں ڈاکٹر حیدر علی خان، سلیم رحمان، صاحبزادہ صبغت اللہ،محبوب شاہ، محمد بشیر خان، جنید اکبر، شیراکبر خان، علی خان جدون، انجینئر عثمان خان ترکئی، مجاہد علی، ارباب عامر ایوب، شیر علی ارباب، شاہد احمد، گل داد خان، ساجد خان، محمد اقبال خان، عامر محمود کیانی، سید فیاض الحسن، چوہدری شوکت علی بھٹی، عمر اسلم خان، خرم شہزاد، فیض اللہ کموکا، ملک کرامت علی کھوکھر، سید فخر امام، ظہور حسین قریشی، ابراہیم خان، طاہر اقبال چوہدری، اورنگزیب خان کھچی، مخدوم خسروبختیار، عبدالمجید خان، مس عندلیب عباس، مس عاصمہ قدیر، مس ملیکہ علی بخاری اور مس منورہ بی بی بلوچ شامل ہیں۔
