ضمنی انتخابات میں فلمسٹار شتروگھن سنہا نے اگنی مترا پال کو ہرایا، عوام اور ممتا سے اظہار تشکر
کولکاتا: مغربی بنگال کے آسنسول لوک سبھا حلقے کے ضمنی انتخاب میں شاندار کامیابی حاصل کرنے کے بعد شتر وگھن سنہا نے ممتا بنرجی اور حلقے کے عوام کا شکریہ ادا کرتے ہوئے کہا کہ ممتا بنرجی 2024میں وزیر اعظم مودی کا کھیل بگاڑ دیں گی ’’ممتادیدی ملک میں سب سے زیادہ جاندار، شاندار اور مضبوط لیڈر ہیں۔2019 کے لوک سبھا انتخابات میں بی جے پی نے یہ سیٹ بڑے فرق سے جیتی تھی۔ 2014 کا ریکارڈ توڑتے ہوئے بابل سپریا نے 1 لاکھ 96 ہزار 736 ووٹوں سے کامیابی حاصل کی۔ ضمنی انتخابات عام طور پر جیت کے مارجن کو کم کرتے ہیں۔ لیکن شتروگھن سنہا نے 3 لاکھ سے زیادہ ووٹوں سے جیت حاصل کی ہے اور اپنے حریف اگنی متراپال کو ہرایا ۔ پہلی بار آسنسول میں جیت حاصل کرنے کے بعد ترنمول کانگریس میں جوش و خروش ہے۔ جیت پر انہوں نے کہا کہ اس بار بی جے پی یہاں ای وی ایم کا کھیل نہیں دکھا سکی۔ شفاف ووٹنگ ہوئی ہے۔ کوئی خوف نہیں تھا۔ سب نے اسے دیکھا ہے۔ ان کے الفاظ میں کہ’ ممتا بنرجی کی آن بان شان‘ جیت گئی ہے۔ممتا بنرجی ملک کی سب سے مقبول لیڈر ہیں۔
