پنجی : ترنمول کانگریس نے اتوار کو گوا میں ‘یووا شکتی کارڈ’ کا آغاز کیا تاکہ آئندہ اسمبلی انتخابات سے قبل ووٹروں کو راغب کیا جاسکے ۔یہ کارڈ گوا کے نوجوانوں کو 4 فیصد کی شرح سود پر 20 لاکھ روپے تک کا قرض فراہم کرے گا۔پارٹی نے بتایا کہ 18 سے 45 سال کی عمر کے لوگ اس اسکیم کے لیے اہل ہوں گے ۔ریاست میں آئندہ چند مہینوں میں اسمبلی انتخابات ہونے والے ہیں اور پارٹی نے ریاست میں یہ دوسرا بڑا اعلان کیا ہے ۔ اس سے قبل پارٹی نے ووٹروں کو راغب کرنے کے لیے گرہہ لکشمی یوجنا کا اعلان کیا تھا۔ اس اسکیم کے تحت ریاست کی ہر گھریلو خاتون کے کھاتے میں پانچ ہزار روپے منتقل کرنے کا انتظام ہے ۔پارٹی نے ایک کارڈ لانچ کیا ہے جس کا یونیورسل اکاؤنٹ نمبر ہے جسے اسمبلی انتخابات میں ترنمول کے اقتدار میں آنے کے بعد شروع کیا جائے گا۔واضح رہے کہ ترنمول کانگریس نے گوا میں مہاراشٹر وادی گومانتک پارٹی کے ساتھ مل کر اسمبلی انتخابات لڑنے کا اعلان کیا ہے ۔