دیگر مذاہب سے تعلق رکھنے والوں کو منتقل کردیا جائیگا : صدر نشین
حیدرآباد یکم۔نومبر( سیاست نیوز ) تروپتی مندر کی دیکھ بھال کے ذمہ دار تروملا آئرلینڈ دیوستھانم بورڈ کے صدر نشین بی آر نائیڈو کو بنایا گیا ہے ۔ نئے صدر نشین بننے کے بعد انہوں نے ایک بڑا بیان دیتے ہوئے واضح کیا کہ مندر کے احاطے میں کام کرنے والے تمام ہندو لوگ ہی ہونگے ۔ نائیڈو نے کہا کہ تروملا میں کام کرنے والا ہر شخص ہندو ہونا چاہئے ۔ یہ ان کی پہلی کوشش ہوگی ۔ انہوں نے کہا کہ دیگر مذاہب سے تعلق رکھنے والے ملازمین سے متعلق جلد فیصلہ کیا جائیگا ۔ اے پی حکومت جلد ہی دیگر مذاہب سے تعلق رکھنے والے ملازمین کی منتقلی پر فیصلہ کرے گی ۔ آندھرا پردیش حکومت نے تروملا آشرم دیوستھانم کیلئے 24 رکنی بورڈ بنایا ہے ۔ اس میں بھارت بائیو ٹیک انٹرنیشنل لمیٹیڈ کی شریک بانی و مینیجنگ ڈائرکٹر سچترا ایلا بھی شامل ہیں۔ گذشتہ دنوں تروپتی میں پرساد کی تیاری میں جانوروں کی چربی استعمال کرنے کا تنازعہ پیدا ہوا تھا ۔
