٭ پیسیفک جزیرے توالو اور ترکمانستان میں کیا چیز مشترک ہے؟ ان دونوں کا شمار ان علاقوں میں ہوتا ہے جہاں یکم اپریل تک ایک بھی کورونا وائرس کا تصدیق شدہ مریض نہیں ہے۔امریکہ میں جان ہاپکنز یونیورسٹی کے جمع شدہ اعداد و شمار کے مطابق کووڈ 19 کم از کم 180 ممالک اور خطوں میں ہے اور عالمی سطح پر اس سے متاثرہ مریضوں کی تعداد 9 لاکھ سے تجاوز کر چکی ہے۔ اس سے اب تک 48 ہزار سے زیادہ ہلاکتیں ہو چکی ہیں اور 2 لاکھ افراد اس سے متاثر ہونے کے بعد صحت یاب ہو چکے ہیں۔مگر چالیس ایسے علاقے ہیں جہاں ایک بھی مریض کا اندراج نہیں ہوا ہے۔
