انقرہ: ترکیہ میں سوشل میڈیا اکاؤنٹس اور ویب سائٹس نے موساد سیل کی ایک ویڈیو اور نئی تفصیلات کا انکشاف کیا ہے جسے تین روز قبل ترکیہ میں گرفتار کیا گیا تھا۔ترک میڈیا نے اطلاع دی ہے کہ حکام سیل کے ایجنٹوں کو جمعرات کو ان کے ساتھ تحقیقات شروع کرنے سے پہلے ایک طبی معائنے کے مرکز میں لے گئے۔ اس کے اراکین نے انسانی وجوہات کی بنا پر ترکیہ میں مقیم غیر ملکی شہریوں کو نشانہ بنانے کے منصوبوں پر کام کیا شروع کیا تھا جس کی ان سے چھان بین کی جائے گی۔انہوں نے کہا کہ مدعا علیہان کا استنبول کے ضلع بیرام پاشا کے سرکاری ہسپتال میں سکیورٹی کی نگرانی میں معائنہ کیا گیا اور انہیں پاس کرنے کے بعد سکیورٹی فورسز نے تفتیش مکمل کرنے کے لیے انہیں استنبول میں پولیس ہیڈ کوارٹر واپس منتقل کردیا ہے۔افشا ہونے والی معلومات کے مطابق ایجنٹوں میں فلسطینی، ترک، اسرائیلی اور دیگر قومیتوں کے عناصر شامل ہیں شامل ہیں۔موساد کے سیل میں شامل جاسوس جو سرگرمیاں انجام دے رہے تھے ان میں ترکیہ کے اندر غیر ملکی شہریوں کی جاسوسی، بم دھماکے، تخریب کاری کی کارروائیاں، قتل، اغواء ، کمپیوٹرز، فونز اور وائی فائی نیٹ ورکس کو ہیک کرنا بھی شامل تھا۔ موساد میں بھرتی کرنے سے پہلے ایجنٹوں کے ٹیسٹ کرائے گئے تھے اور ان کی وفاداری کو یقینی بنایا گیا تھا۔
