استنبول: ترکیہ میں حکمران جماعت نے پانچ سال بعد ایک بار پھر استنبول کی بلدیاتی قیادت اپنے ہاتھ میں لینے کی کوشش کے طور پر اتوار کے روز سابق وزیر ماحولیات مورت کرم کو اے کے پارٹی کی طرف سے مئیر شپ کا امیدوار نامزد کر دیا ہے۔ یہ انتخابات ماہ مارچ میں متوقع ہے۔2019 میں اپوزیشن نے استنبول کی مئیر شپ جیت لی تھی۔ اپوزیشن کی اس جیت کے نتیجے میں اے کے پارٹی کا استنبول میں 25 سالہ اقتدار ختم ہوا تھا۔’ اے کے پارٹی ‘ کے طیب اردغان نے ماہ مئی میں دوبارہ صدارتی انتخاب جیتا تھا ، اس میں ان کے اتحادی قوم پرست بھی ساتھ تھے۔ اب ایک بار پھر امکان بڑھا ہے کہ اے کے پارٹی اپنے اتحادیوں کی مدد سے 31 مارچ ہونے والے انتخاب میں استبول کی مئیر شپ بھی ایک بار پھر جیت لے گی۔ طیب اردغان نے مئیر شپ کیلئے اپنے امیدوار کا اعلان کرتے ہوئے کہا ‘ ہم کندھے سے کندھا ملا کر ایک بار پھر استنبول کو واپس لیں گے۔ ’47 سالہ کرم جولائی ماحولیات اور اربنائزیشن کے 2018 سے جون 2023 تک وزیر رہے ہیں۔ وہ اس سے پہلے استنبول سے پارلیمنٹ کے رکن منتخب ہوئے تھے۔ واضح رہے استنبول 16ملین کی آبادی کا شہر ہے، جو ملک کی مجموعی آبادی کا 20فیصد ہے۔
نصف صدی بعد امریکی خلائی مشن چاند کیلئے روانہ
نیویارک: اس مشن کوشیڈول کے مطابق 23 فروری کو چاند پر اترنا ہے۔ اگر سب کچھ ٹھیک رہا تو 1972 میں اپالو کی آخری لینڈنگ کے بعد پیریگرین چاند پر پہلا امریکی قدم ہو گا۔ نصف صدی سے بھی زائد عرصے کے بعد چاند پر اترنے کی کوشش کرنے والا پہلا امریکی خلائی مشن پیر کی صبح اپنے سفر پر روانہ ہو گیا۔
امریکی کمپنیوں بوئنگ اور لاک ہیڈ مارٹن کی مشترکہ کمپنی “یونائیٹڈ لانچ الائنس” (یوایل اے) کا تیار کردہ ایک نیا راکٹ “وولکن” آسٹروبوٹک ٹیکنالوجی کے مون لینڈر “پیریگرن” کو لے کر فلوریڈا کے کیپ کیناویرل اسپیس فورس اسٹیشن سے خلائی مشن پر روانہ ہوا۔پٹسبرگ میں قائم نجی ایرو اسپیس کمپنی یونائیٹڈ لانچ الائنس کا مقصد چاند پر اترنے والی پہلی نجی کمپنی بننا ہے۔یو ایل اے مشن کے ایک اہلکار ایرک مونڈا نے کمپنی کے لانچ کنٹرول روم سے وولکن کے فضا میں بلند ہونے کے بعد کہا، “ہر چیز بالکل اپنی جگہ پر پرفیکٹ نظر آتی ہے۔”راکٹ کے فضا میں بلند ہونے کے تقریباً 30 منٹ بعد یو ایل اے نے سوشل میڈیا پر کہا کہ اس مشن کی پرواز مستحکم ہیکیونکہ اس نے سفر کے پہلے حصے میں زمین کے گرد چکر لگایا۔”ساحلی علاقوں پر پرواز کے آدھے راستے میں، اس راکٹ کا نظام مستحکم ہے۔ یہ زمین کے مدار سے باہر نکلنے کے لیے بحر ہند کے اوپر خلا میں ایک خاص نقطے کی طرف جائے گا، جہاں اس راکٹ کا دوسرا انجن چالو کرنے کا منصوبہ ہے۔”