انقرہ : ترکی کے جنگلات میں آگ کے بعد اب سیلاب نے تباہی مچا دی ہے۔غیر ملکی میڈیا کے مطابق ملک کے شمالی علاقوں میں طوفانی بارش کے بعد سیلاب سے کم سے کم 55 افراد ہلاک ہو گئے ہیں۔دوسری جانب ترکی کے جنگلات میں لگی آگ بجھانے کے لیے جانے والا روسی طیارہ بھی گر کر تباہ ہوگیا جس کے نتیجے میں جہاز میں موجود 5 روسی اور 3 ترک رضاکار ہلاک ہو گئے۔ترکی میں ہونے والے حادثہ پر روس کے صدر ولادیمیرپوٹن نے ترک ہم منصب رجب طیب اردغان سے رابطہ کر کے افسوس کا اظہار کیا۔
