اگرتلہ : شمالی تریپورہ کے ضلع اونا کوٹی میں وزیراعلیٰ بپلو کمار دیب پر‘ غلط طرزحکمرانی’ کا الزام لگاتے ہوئے بھارتیہ جنتا پارٹی (بی جے پی) کے رکن اسمبلی ڈاکٹردلیپ داس کے چھوٹے بھائی نے ترنمول کانگریس (ٹی ایم سی) میں شمولیت اختیار کی۔ ترنمول کانگریس کے ریاستی صدر سبل بھومک نے بی جے پی رکن اسمبلی کے چھوٹے بھائی دھیرج داس کے گزشتہ چار سالوں سے بی جے پی سے وابستہ ہونے کا دعویٰ کرتے ہوئے کہا کہ پارٹی کو اقتدار میں لانے کے لیے انہوں نے سخت محنت کی تھی، لیکن وزیر اعلیٰ کی انتقامی سیاست اور بی جے پی-آئی پی ایف ٹی کی حکومت کے تشدد اور بدعنوانی سے خفا ہو کر وہ ہفتہ کو ترنمول کانگریس میں شامل ہو گئے ۔مسٹر بھومک نے کہا‘‘ مغربی بنگال کی ترقی، خاص طور پر سماجی بہبود کی اسکیموں اور ممتا بنرجی حکومت کی طرف سے صحت اور تعلیم پر گئے کاموں سے متاثر ہو کر دھیرج داس نے کمار گھاٹ میں اپنے حامیوں کی ایک بڑی تعداد کے ساتھ ترنمول میں شمولیت اختیار کی ۔ ان کے بی جے پی میں شامل ہونے کے ساتھ ہی بی جے پی کے کارکنان میں کافی کمی ہوگی جس کی وجہ سے وہ حلقوں میں بڑی تعداد میں جلسے نہیں کر پائیں گے ’’۔انہوں نے الزام لگایا کہ وزیراعلیٰ دیب نے ہفتہ کو ایک چائے کے باغ کا دورہ کیا اورضلع دھلائی میں ایک ریلی سے خطاب کیا۔ جہاں محکمہ تعلیم نے کالج کے طلباء کو وزیر اعلیٰ کی تقریر سننے کے لیے 40 نمبر دینے کا لالچ دیا۔ اس کے باوجود ریلی بے اثر رہی اور جب مسٹر دیو نے تقریر شروع کی تو وہاں موجود لوگ جلسہ چھوڑ کر چلے گئے ۔مسٹربھومک نے کہا ‘‘ گزشتہ چار برسوں میں ریاست نے سوشل میڈیا اور میڈیا پربی جے پی اور اس کے لیڈروں کے بلند و بانگ دعوؤں کے علاوہ کوئی ترقی نہیں دیکھی ۔
