حیدرآباد: دونوں تلگو ریاستوں تلنگانہ اور آندھراپردیش میں موسم کی تبدیلی کا عمل ایسا محسوس ہوتا ہے کہ شروع ہوگیا ہے کیونکہ ان ریاستوں میں دن کے درجہ حرارت میں بتدریج اضافہ ہوتا جارہا ہے جبکہ رات کے درجہ حرارت میں کمی برقرار ہے ۔اسی دوران محکمہ موسمیات نے اپنے بلیٹن میں کہا ہے کہ آئندہ 24گھنٹوں کے دوران ساحلی آندھرا اور رائلسیما میں موسم کے خشک رہنے کا امکان ہے ۔ محکمہ موسمیات نے کہا ہے کہ گذشتہ چوبیس گھنٹوں کے دوران تلنگانہ،ساحلی آندھراپردیش اور رائلسیما میں موسم خشک رہا۔