حیدرآباد۔23 مارچ (یو این آئی) کومرم بھیم آصف آباد میں ماونوازوں اور پولیس کے درمیان فائرنگ کاتبادلہ ہوا۔یہ واقعہ کل شب دنتے واڑہ پولیس حدود میں پیش آیا۔ ریلوے ٹریک کی مرمت کیلئے عہدیداروں نے جے سی بی کو لایا تاہم کل شب تقریبا 1.30بجے ماونوازوں نے ان کو آگ لگادی۔اسی دوران باچوپلی پولیس سے وابستہ ملازمین تلاشی میں مصروف تھے کہ ان کا سامنا ماونوازوں سے ہوگیا۔ پولیس اور ماونوازوں میں فائرنگ کا تبادلہ ہوا۔ ماونواز تاریکی کا فائدہ اٹھاکر فرار ہوگئے ۔
