حیدرآباد ۔ 21۔نومبر (سیاست نیوز) محکمہ موسمیات کے بموجب خلیج بنگال میں ہوا کے دباؤ میں کمی سے جاریہ ماہ کے اواخر میں کئی اضلاع میں بارش کا امکان ہے ۔ محکمہ موسمیات کے مطابق ہوا کے دباؤ میں شدت کے تحت تلنگانہ اور آندھراپردیش کے کئی علاقوں میں 27 اور 28 نومبر کو ہلکی اور اوسط بارش کا امکان ہے ۔ کتہ گوڑم ، ملگ ، بھوپال پلی ، آصف آباد کے بیشتر علاقوں میں بارش کی پیش قیاسی کی گئی ہے۔ اسی دوران تلنگانہ میں سردی کی لہر میں اضافہ کا اثر سنگا ریڈی میں دیکھا گیا جہاں اقل ترین درجہ حرارت 7.4 درج کیا گیا۔ کھمم ، آصف آباد ، وقار آباد اور سدی پیٹ میں بھی درجہ حرارت میں کمی واقع ہوئی ہے ۔ حیدرآباد کے مضافاتی علاقوں میں بھی سردی کی لہر میں اضافہ کی پیش قیاسی کی گئی ہے جس کے تحت درجہ حرارت میں کمی آئے گی۔1
