نظام آباد میں منعقدہ تقریب سے مرکزی وزیر ہرسمرت کور بادل و دیگر کا خطاب
نظام آباد :6؍ ستمبر( سیاست ڈسٹرکٹ نیوز)ریاستی حکومت فوڈ پروسینگ صنعت کے قیام کیلئے تیار ہے تو مرکزی حکومت مکمل طور پر تعاون پیش کرنے کیلئے تیار ہے ان خیالات کا اظہار مرکزی فوڈ پروسیسنگ صنعت کی وزیر شریمتی ہرسمرت کور بادل آج نظام آباد ضلع کے نندی پیٹ منڈل کے لکم پلی میں 108 کروڑ روپئے کی لاگت سے شروع کردہ میگا فوڈ پارک پروسیسنگ سنٹر کے افتتاح کے موقع پر منعقدہ تقریب سے مخاطب کرتے ہوئے کیا ۔ اس موقع پر مرکزی وزیر مملکت رامیشور تیری، رکن پارلیمنٹ نظام آباد اروند، رکن اسمبلی آرمور جیون ریڈی ، ضلع کلکٹر ایم رام موہن رائوکے علاوہ دیگر عہدیدار بھی موجود تھے ۔ اس موقع پر شریمتی ہر سمر ت کور بادل نے مخاطب کرتے ہوئے کہا کہ وزیر اعظم نریندر مودی فوڈ پروسیسنگ صنعتوں کے قیام کیلئے سنجیدہ ہے ۔ صنعتوں کے قیام سے پیداوار میں اضافہ کے علاوہ مقامی طور پر روزگار بھی فراہم ہونے کے علاوہ کسانوں کو اقل ترین قیمتوں کی ادائیگی سے زرعی شعبہ مستحکم ہوگااس پر مرکزی حکومت ملک گیر سطح پر فوڈ پروسیسنگ صنعتوں کے قیام کیلئے سنجیدہ اقدامات کررہی ہے ۔ انہوں نے کہا کہ فوڈ پروسیسنگ صنعتوں کے علیحدہ علیحدہ یونٹس کے قیام کیلئے کسان آگے آنے کی صورت میں ان کا مکمل تعاون کرے گی اور صنعت کے قیام کیلئے پانچ کروڑ روپئے کی سبسیڈی بھی فراہم کرے گی ۔ وزیر اعظم نریندر مودی کسانوں کو دگنا فائدہ پہنچانے کیلئے کوشاں ہے اسی کے تحت پانچ ایکر یافتہ کسانوں کو ہر ماہ 6 ہزار روپئے معاشی امداد فراہم کرنے کے علاوہ اقل ترین قیمتوں کی ادائیگی کیلئے سنجیدہ اقدامات کررہی ہے ریاستی حکومت کی جانب سے بھی کسانوں کیلئے کئی اسکیمات کو متعارف کرتے ہوئے امداد فراہم کررہی ہے مرکزی حکومت کی جانب سے کسانوں کو دئیے جانے والے امدادی کام بناء پارٹی تعاون پیش کررہی ہے ۔مرکزی وزیر بادل کور نے کہا کہ لکم پلی میگھا یونٹ ریاستی سطح پر دوسرا یونٹ بھی منظور کیا جائیگا ۔ فوڈ پروسیسنگ صنعتوں کے قیام کیلئے ریاستی حکومت تجویز پیش کرتی ہے تو اندرون ایک ہفتہ صنعت کے قیام کیلئے اقدامات کئے جائیں گے لکم پلی میگا یونٹ کے ذریعہ کاماریڈی، جگتیال، کریم نگر، نرمل اضلاع کے علاوہ مہاراشٹرا کے اضلاع کو بھی فائدہ حاصل ہوگا اور 25 ہزار کسانوں کو اس یونٹ سے فائدہ حاصل ہونے کے علاوہ 5 ہزار افراد کو ملازمت کے مواقع حاصل ہورہے ہیں ۔ میگھا یونٹ کے قیام کیلئے 10 ایکر درکار ہے اس کے علاوہ منی فوڈ پروسیسنگ کے قیام کیلئے اقدامات کئے جائیں گے ۔ مرکزی وزیر نے یوریا کی قلت کو دور کرنے کیلئے کئی اقدامات کئے جارہے ہیں۔ اس موقع پر مرکزی مملکتی وزیر رامیشور تیلی نے اپنی تقریر میں کہا کہ مرکزی حکومت 50 فیصد یونٹ پر سرمایہ کاری منظور کرنے کیلئے تیار ہے۔ 50 فیصد ریاستی حکومت کا مالی تعاون فراہم کریں تو بہتر ہوگا۔ نظام آباد ضلع کے ہلدی کے کسانوں کو میگا یونٹ کے ذریعہ اقل ترین قیمت سے بھی زیادہ قیمت حاصل ہونے کے امکانات ظاہر کئے۔ مکئی، سویا بین کی فصل کے کسانوں کو زیادہ سے زیادہ فائدہ حاصل ہوگا۔ اس موقع پر رکن پارلیمنٹ اروند نے کہا کہ مقامی رکن اسمبلی اشتراک سے کسانوں کے فائدہ کیلئے اقدامات کئے جائیں گے ۔ اس موقع پر رکن اسمبلی آرمور جیون ریڈی نے کہا کہ سابق رکن پارلیمنٹ کے کویتا کی خصوصی دلچسپی اور چیف منسٹر چندر شیکھر رائو کے تعاون سے ہی اس یونٹ کا قیام عمل میں لایا گیا اور کے کویتا نے خصوصی دلچسپی دکھاتے ہوئے اس کے قیام کیلئے اقدامات کیا ہے ۔ لکم پلی یونٹ کا سنگ بنیاد سمرت کور بادل نے رکھا تھا اور اس کا افتتاح بھی ان کے ہاتھوں عمل میں آیا۔ 2014 ء میں کے کویتا نے اس کے قیام کا اعلان کیا تھا اور اس کا سنگ بنیاد بھی رکھوایا اور پتانجلی گروپ کو بھی یہاں پر لاتے ہوئے ہلدی بورڈ کے قیام کیلئے کوشش کی تھی۔اس خصوص میں کے کویتا کی دلچسپی کی ستائش کی اور یوریا کی قلت کو دور کرنے کیلئے مرکزی حکومت کے تعاون کو ناگزیر قرار دیا۔ اس موقع پر شریمتی بادل کور نے فوڈ پروسیسنگ یونٹ کا تفصیلی معائنہ کیا اور 11 کولڈ اسٹوریج کی منظوری کا بھی اعلان کیا۔ مرکزی حکومت حیدرآباد سے ذریعہ ہیلی کاپٹر لکم پلی پہنچنے پر ان کا زبردست خیر مقدم کیا گیا۔