حیدرآباد 28جون (یو این آئی ) محکمہ موسمیات نے پیش قیاسی کی کہ تلنگانہ کے مختلف اضلاع میں آئندہ پانچ دنوں میں بعض مقامات پر گرج چمک کے ساتھ بارش کا امکان ہے ۔ محکمہ نے رپورٹ میں کہا کہ ریاست کے تمام اضلاع میں بعض مقامات پر 30 سے 40 کلومیٹر فی گھنٹہ کی رفتار سے تیز سطحی ہوائیں چلنے کی بھی توقع ہے ۔ تلنگانہ میں آئندہ سات دنوں تک بعض یا چند مقامات پر ہلکی سے اوسط بارش یا گرج چمک کے ساتھ بوندا باندی کا امکان ہے ۔ محکمہ موسمیات کے مطابق ریاست میں جنوب مغربی مانسون فی الحال کمزور ہے ۔ گزشتہ 24 گھنٹوں میں ریاست کے ایک یا دو مقامات پر ہی بارش ریکارڈ کی گئی ہے ۔
