حیدرآباد4 جنوری ( یواین آئی ) تلنگانہ بھرمیں عوامی حکمرانی پروگرام کے تحت درخواستوں کی وصولی کا سلسلہ زوروشور سے جاری ہے ۔ حکومت کی جانب سے سیکورٹی کیلئے آدھار اور راشن کارڈ کو لازمی بنانے پر عوام کی بڑی تعداد آدھار کارڈس کو اپ ڈیٹ کروانے می سیوامراکز پر دیکھی جارہی ہے ۔عوام نے تشویش کااظہارکرتے ہوئے کہا کہ نا کافی آدھار مراکز کی کمی کی وجہ سے مشکلات کا سامنا ہے ۔کئی افراد نے کہا کہ اس طرح کی قطاریں روزانہ دیکھی جارہی ہیں۔انہوں نے کہا کہ ان مراکز کے عملہ کی جانب سے روزانہ صرف 100 آدھار کارڈس ہی اپ ڈیٹ کئے جارہے ہیں جس کی وجہ سے بقیہ افراد کو جو قطار میں ٹہررہے ہیں کو مایوسی کاسامناکرناپڑرہا ہے ۔بعض خواتین نے تشویش کااظہارکرتے ہوئے کہا کہ وہ گھر کے کام کاج چھوڑ کر صبح ہی سے قطارمیں ٹہرنے کیلئے مجبور ہیں۔عوام نے حکومت سے موثر انتظامات کرنے کی خواہش کا بھی اظہار کیا ہے ۔
اے پی:کورونا سے ضعیف خاتون کی موت
حیدرآباد۔4 جنوری ( یواین آئی ) آندھراپردیش میں کورونا کے معاملات میں اضافہ دیکھاجارہا ہے ۔ تروپتی میں کوویڈ کے معاملات کی تعداد 20ہوگئی ہے ۔تمام متاثرین کا علاج رویا اسپتال میں کیاجارہا ہے ۔بتایاجاتا ہے کہ ونٹی لیٹر پرایک ضعیف خاتون کی موت ہوگئی۔یہ ضعیف خاتون کورونا سے مثبت پائی گئی تھی۔
