حیدرآباد 28 اپریل (یواین آئی) تلنگانہ میں گرمی کی شدت میں اضافہ ہوتا جا رہا ہے ۔گذشتہ روز چار اضلاع میں درجہ حرارت 45 ڈگری سے زیادہ ریکارڈ کیا گیا ۔ کریم نگر جمی کنٹہ منڈل میں اعظم ترین درجہ حرارت 45.4 ڈگری ریکارڈ کیا گیا۔ نلگنڈہ مدوگلاپلی میں 45.2، ملگ منگاپیٹ میں 45.2، وجیدو منڈل میں 45 ڈگری اور جگتیال ویلگاٹور میں درجہ حرارت 45 ڈگری درج کیاگیا۔ منچیریال، آصف آباد و پداپلی میں اعظم ترین درجہ حرارت 44.5 اور 44.9 ڈگری کے درمیان ریکارڈ کیا گیا ۔ حیدرآباد میں موسی پیٹ میں اعظم ترین درجہ حرارت 43 ڈگری تک پہنچ گیا۔ حیدرآباد کے 21 مقامات میں 42 ڈگری سے زیادہ درجہ حرارت ریکارڈ کیا گیا۔
