حیدرآباد: تلنگانہ میں کورونا کیسیس میں کمی کا سلسلہ جاری ہے ۔ گزشتہ 24 گھنٹوں میں 1492 نئے کیسیس منظر عام پر آئے جبکہ 13 اموات واقع ہوئی تھیں۔ 1933 افراد صحت یاب ہوکر ڈسچارج ہوئے ہیں۔ محکمہ صحت کے بلیٹن کے مطابق ریاست میں ایکٹیو کیسیس کی تعداد 19521 ہے۔ منگل اور چہارشنبہ کے درمیان 1,19,464 کورونا ٹسٹ کئے گئے ۔ ریاست میں ریکوری کی شرح 96.21 درج کی گئی ہے۔ گریٹر حیدرآباد میں 166 نئے کیسیس منظر عام پر آئے جبکہ اضلاع میں کتہ گوڑم 91 ، کریم نگر 92 ، کھمم 129 ، محبوب آباد 67 ، ملکاجگری 83 ، نلگنڈہ 115 ، پدا پلی 59 ، رنگا ریڈی 92 ، سدی پیٹ 53 ، سوریا پیٹ 89 اور ورنگل اربن میں 65 کیسیس منظر عام پر آئے ۔
