حیدرآباد: تلنگانہ میں کورونا کیسس میں کمی کا سلسلہ بدستور جاری ہے۔ گزشتہ 24 گھنٹوں میں کورونا کے 185 نئے کیسس منظر عام پر آئے جبکہ 197 افراد صحت یاب ہوئے ہیں۔ کورونا سے 2 افراد کی موت واقع ہوئی۔ تلنگانہ میں ریکوری کی شرح 98.77 فیصد ہوچکی ہے جبکہ قومی شرح 97.1 فیصد ہیں۔ ریاست میں پازیٹیو کیسس کی تعداد 294924 ہے جبکہ 291312 افراد صحت یاب ہوئے ۔ فوت ہونے والوں کی تعداد 1604 ہوچکی ہے۔ ریاست میں 2008 ایکٹیو کیسس ہیں جن میں سے 730 ہوم آئسولیشن کے تحت زیر علاج ہیں۔ پیر اور منگل کے درمیان 40203 کورونا ٹسٹ کئے گئے جن میں 1630 کا نتیجہ آنا باقی ہے ۔ گریٹر حیدرآباد میں 27 نئے کیس درج کئے گئے جبکہ کریم نگر 10 ، ملکاجگیری 12 اور رنگا ریڈی میں 13 کیسس درج کئے گئے ۔ گدوال ، نارائن پیٹ میں ایک بھی نیا کیس درج نہیں ہوا۔
