حیدرآباد: تلنگانہ میں گزشتہ 24 گھنٹوں کے دوران کورونا کے 313 نئے کیسس منظر عام پر آئے جبکہ دو اموات واقع ہوئی ہیں۔ اس مدت کے دوران 142 افراد کورونا سے صحت یاب ہوئے ۔ ریاست میں پازیٹیو کیسس کی تعداد 302360 ہوچکی ہے جبکہ 298262 مریض صحت یاب ہوئے۔ فوت ہونے والوں کی تعداد 1664 ہوچکی ہے۔ ایکٹیو کیسس 2434 درج کئے گئے جن میں 943 ہوم آئسولیشن کے تحت زیر علاج ہے۔ چہارشنبہ اور جمعرات کے درمیان 62972 کورونا ٹسٹ کئے گئے جن میں سے 642 کا نتیجہ آنا باقی ہے۔ گریٹر حیدرآباد کے حدود میں 47 نئے کیسس درج کئے گئے جبکہ عادل آباد 10 ، کاما ریڈی 16 ، کریم نگر 9 ، کھمم 8 ، محبوب نگر 9 ، جگتیال 8 ، منچریال 10 ، ملکاجگری 20 ، نلگنڈہ 8 ، نرمل 25 ، نظام آباد 15 ، سرسلہ 12 ، رنگا ریڈی 29 ، سنگا ریڈی 13 ، سدی پیٹ 8 ، وقار آباد 8 ، ورنگل اربن 8 اور بھونگیر میں 8 کیسس منظر عام پر آئے۔ نارائن پیٹ تلنگانہ کا واحد ضلع ہے جہاں ایک بھی کیس منظر عام پر نہیں آیا۔
