حیدرآباد۔ محکمہ موسمیات نے کہا کہ تلنگانہ میں کچھ مقامات پر گرج چمک اور بجلیوں کا امکان ہے ۔ محکمہ نے کہا کہ ہلکی سے اوسط بارش بھی کچھ مقامات پر ہوسکتی ہے اور کچھ مقامات پر گرج چمک بھی ہوسکتی ہے ۔ حیدرآباد اور اطراف میں مطلع عام طور پر ابر آلود رہے گا ۔ شہر میں کچھ مقامات پر بارش یا گرج چمک کے ساتھ بوندا باندی کا بھی امکان ہے ۔ محکمہ موسمیات نے بتایا کہ جنوب مغربی مانسون تلنگانہ میں معمول کے مطابق ہے اور گذشتہ 24 گھنٹوں کے دوران کچھ مقامات پر بارش بھی ریکارڈ کی گئی ہے ۔