29 نومبر کو منعقد شدنی دیکشا دیوس کو کامیاب کرنے کی اپیل ، سنگاریڈی میں بی آر ایس کا اجلاس ، چنتا پربھاکر کا خطاب
نگاریڈی 27 نومبر (سیاست ڈسٹرکٹ نیوز)سنگاریڈی ایم ایل اے ضلع بی آر ایس صدر چنتا پربھاکر نے پارٹی کارکنوں سے اپیل کی کہ 29 نومبر کو ہونے والے دیکشا دیوس کو تلنگانہ تحریک کی روح کے مطابق شاندار طریقے سے منعقد کیا جائے بی آر ایس پارٹی کے ورکنگ پریزیڈنٹ کے ٹی آر کی ہدایات پر سنگاریڈی ایم ایل اے کیمپ آفس میں ایک اجلاس منعقد ہوا جس کی صدارت ایم ایل اے چنتا پربھاکر نے کی اس اجلاس میں ضلع کے کئی اہم قائدین شریک ہوئے جن میں ایم ایل اے مانک راؤ، سابق ایم ایل ایز کرانتی کرن، بھوپال ریڈی، ڈی سی ایم ایس چیئرمین شیواکمار اور شری کانت گوڈ شامل تھے اجلاس میں دیکشا دیوس کے پروگراموں کے سلسلے میں جامع منصوبہ بندی کی گئی اور انتظامات پر تفصیلی گفتگو ہوئی بی آر ایس پارٹی کی جانب سے دیکشا دیوس کے پوسٹر کا بھی اجراء کیا گیا اجلاس کے موقع پر آئینِ ہند کا یوم بھی یاد کرتے ہوئے ڈاکٹر بی آر امبیڈکر کی خدمات کو خراجِ عقیدت پیش کیا گیا ایم ایل اے چنتا پربھاکر نے کہا ’’اگر کے سی آر دیکشا نہ کرتے تو تلنگانہ ہرگز قائم نہ ہوتا بی آر ایس پارٹی یا کے سی آر کو منظر سے ہٹانا کسی کے بس کی بات نہیں تلنگانہ تحریک میں کے سی آر کی جدوجہد اور دیکشا تحریک کے روشن باب ہیں۔انہوں نے تلنگانہ تحریک کے مجاہدین اور شہداء کے اہلِ خانہ کی تعظیم کیلئے خصوصی پروگرام کا بھی اعلان کیا ایم ایل اے مانک راؤ نے کہا کہ تلنگانہ صرف کے سی آر کی جدوجہد اور قربانیوں کی بدولت حاصل ہوا۔ملک میں تلنگانہ کو کے سی آر کی حکمرانی کی وجہ سے ایک مثالی ریاست کے طور پر دیکھا جاتا ہے۔کے سی آر کی تحریک کو نصابی کتب میں شامل کیا جانا چاہیے۔سابق ایم ایل اے کرانتی کرن نے کہا اس وقت کی حکومت نے دیکشا ختم کرانے کیلئے دباؤ ڈالا، مگر کے سی آر نے ہمت نہیں ہاری تھی دیکشا دیوس کی تاریخ نئی نسل کو بتائی جانی ضروری ہے۔سابق ایم ایل اے بھوپال ریڈی نے کہا کے سی آر کی دیکشا ہی تلنگانہ کی تشکیل کا بنیادی سبب بنی۔آج تلنگانہ کے ترقیاتی ماڈل کو پورا ملک سراہتا ہے۔اجلاس میں ضلع کے قائدین موجود تھے جن میں ڈی سی سی بی کے وائس چیئرمین پٹنم مانیکیم، بال راج، میٹو کمار، سابق سی ڈی سی چیئرمین کاسالا بْچھی ریڈی، وجیندر ریڈی، ڈاکٹر سری ہری، ٹاؤن سکریٹری پیرمل نرسملو اور مختلف حلقوں کے سرکردہ قائدین موجود تھے۔
