حیدرآباد۔ تلنگانہ کی رچہ کنڈہ پولیس نے اپنے حدود میں آخری سفر ایمبولنس خدمات کا آغاز کیا۔کمشنر پولیس مہیش بھگوت نے نریڈ میٹ میں واقع پولیس کمشنریٹ میں اس خدمات کا جھنڈی دکھاکر آغاز کیا۔اس موقع پر خطاب کرتے ہوئے انہوں نے تنظیم کے ذمہ داروں کی مساعی کی ستائش کی۔اس تنظیم نے پہلی مرتبہ حیدرآباد کمشنریٹ حدود میں ان خدمات کا آغاز کیا۔بعد ازاں سائبرآباد اور پھر اب رچہ کنڈہ میں اس کا آغاز کیاگیا۔انہوں نے کہاکہ یہ مفت خدمات ہیں جس کے ذریعہ کسی بھی ذات یا نسل سے تعلق رکھنے والے کوویڈ یاغیر کوویڈ سے مرنے والے افراد کی لاشوں کو منتقل کیاجائے گا۔اس کے لئے مرنے والے کے رشتہ داروں کو فون نمبر 7995404040 پر کال کرنا ہوگا۔یہ خدمات صبح 8بجے سے شام 6بجے تک دستیاب ہے ۔کسی بھی مرنے والے شخص کے رشتہ دار اگر اس کی آخری رسومات کرنے کے اہل نہیں ہیں تو یہ تنظیم اس کی بھی ذمہ داری اٹھائے گی۔
