حیدرآباد۔ 8ستمبر (یواین آئی) محکمہ موسمیات نے کہا ہے کہ 12ستمبر کو تلنگانہ کے اضلاع عادل آباد،کومرم بھیم آصف آباد،منچریال،پداپلی،جئے شنکربھوپال پلی، مُلگ،بھدرادری کوتہ گوڑم، کھمم، محبوب آباد، ورنگل رورل، ورنگل اربن اور جنگاوں میں بعض مقامات پر شدید بارش کاامکان ہے ۔اپنے بلیٹن میں اس نے کہا کہ اسی عرصہ کے دوران بعض اضلاع کے چند مقامات پر گرج وچمک کے ساتھ بارش کاامکان ہے ۔اس بلیٹن میں کہاگیا کہ آئندہ پانچ دنوں کے دوران بعض مقامات پر ہلکی تا اوسط یا پھر گرج وچمک کے ساتھ بارش کاامکان ہے ۔جنوب مغرب مانسون ریاست میں گذشتہ 24گھنٹوں کے دوران معمول کے مطابق رہا ہے ۔اسی عرصہ کے دوران نظام آباد ضلع میں بعض مقامات پر شدید بارش ریکارڈ کی گئی۔ گزشتہ ہفتہ ریاست کے بیشتر اضلاع میں شدید بارش سے عوام کو سخت مشکلات پیش آئیں۔
