حیدرآباد16اگست (یواین آئی ) تلنگانہ کے ورنگل ضلع کے ساکن ایک شخص نے دیگر پانچ ہندوستانیوں کے ساتھ مل کریوروپ کی بلند ترین پہاڑی چوٹی ماونٹ ایلبروس کو سر کیا۔ماونٹ ایلبروس،جنوبی روس کے کاوکاسس پہاڑیوں کے مغربی حصہ پر ہے ۔اکھل نامی نوجوان نے 9اگست کو پہاڑی پر چڑھائی شروع کی تھی اور 15 اگست کو پہاڑی کے اونچے مقام کوشدید سردی، منجمد کرنے والے درجہ حرارت اور برفباری کے باوجود سرکیا۔اس نے کہا کہ پہاڑی کا درجہ حرارت منفی 25تا30ڈگری ہے ۔اکھل نے پہلے افریقہ کے ماونٹ کِلمنجاروپہاڑی کے ساتھ نیپال کے پنجاچِلی پہاڑی کوسرکیا ہے ۔اکھل، ایک اڈونچر ماہر کی نگرانی میں گیا تھا۔ورنگل ویسٹ رکن اسمبلی ونئے بھاسکر نے مالی مدد کی تھی جنہوں نے اس کارنامہ پر مسرت کااظہار کیا۔