حیدرآباد یکم اپریل (یواین آئی) کریم نگر کے مکرم پورہ میں آج محکمہ صحت کے افراد نے گھر گھر پہونچ کر لوگوں کی طبی جانچ کی۔انڈونیشیا کے شہریوں کے کورونا وائرس سے متاثر ہونے کے واقعہ کے بعد مکرم پورہ کو مکمل طور پر بند کردیا گیا اور یہاں میونسپل کارپوریشن کی جانب سے اشیاے ضروریہ اور دیگر سہولیات فراہم کی جا رہی ہیں۔اس علاقہ کے عوام کو اپنے مکانات سے باہر نکلنے کی اجازت نہیں ہے اور دوسرے علاقوں کے عوام یہاں داخل نہیں ہوسکتے ۔آج 3 ہزار سے زائد گھروں میں ہیلت سوپر وایزر رمنا ریڈی اور محترمہ حلیمہ کی نگرانی میں پیرامیڈکل اسٹاف نے گھر گھر پہنچ کر بخار اور سردی کھانسی کی جانچ کی۔گھر میں رہنے والوں کی تفصیلات حاصل کیں۔