حیدرآباد 10اگست ( یواین آئی ) تلنگانہ کے کئی علاقوں میں درجہ حرارت میں بتدریج اضافہ درج کیاجارہا ہے ۔چند دن پہلے تک ریاست کے تمام اضلاع میں بارش تھی تاہم اب درجہ حرارت میں اضافہ سے شہریوں کو پریشانی کا سامنا ہے ۔ محکمہ موسمیات نے پیش قیاسی کی کہ یہ صورتحال 20 اگست تک ختم ہوجائے گی۔ محکمہ نے کہا کہ بارش کم ہو رہی ہیں اور گرمی میں اضافہ ہوا ہے ۔ ڈاکٹروں نے مشورہ دیا کہ احتیاط کرنی چاہیے کیونکہ درجہ حرارت 31 ڈگری سے زیادہ ہو گیا ہے ۔ محکمہ نے کہا کہ گرم ہواؤں کے باوجود کئی اضلاع میں ہلکی بارش کا امکان ہے ۔شدید گرمی کے باعث کئی افرادسر درد، بخار، کھانسی اور نزلہ زکام کا شکار ہیں۔
