چینائی : وکراونڈی سیٹ پر منگل کو ہونے والے اسمبلی ضمنی انتخاب کے لیے ووٹنگ کی تیاریاں مکمل کر لی گئی ہیں۔ حکمراں ڈی ایم کے اور پی ایم کے کے درمیان قریبی مقابلہ متوقع ہے ، حالانکہ اس ضمنی انتخاب میں سہ رخی مقابلہ ہوگا، جس میں این ٹی کے دوسری پارٹی ہوگی۔ ووٹنگ چہارشنبہ کو صبح 7 بجے سے شام 6 بجے تک ہوگی۔ الیکشن کمیشن نے منصفانہ ووٹنگ کو یقینی بنانے کے لیے پولیس اہلکار کے ساتھ سکیورٹی کے لئے مرکزی نیم فوجی دستوں کو تعینات کیا ہے۔ 276 بوتھس کے منجملہ 44 کو حساس قرار دیا گیا ہے اور ان بوتھس پر اضافی سیکورٹی ہوگی۔ الیکشن کمیشن نے انتخابی عمل کی لائیو ویب کاسٹنگ کا انتظام کیا ہے اور ضمنی انتخاب میں 1000 سے زائد ای وی ایمز کا استعمال کیا جائیگا، جنہیں کل صبح انتہائی سکیورٹی والے اسٹرانگ رومز سے پولنگ اسٹیشنوں تک پہنچایا جائے گا۔ ووٹوں کی گنتی 13 جولائی کو اور انتخابی عمل 15 جولائی کو مکمل ہوگا۔ ضمنی انتخاب کو ذہن میں رکھتے ہوئے ، انتظامیہ نے پورے ولوپورم ضلع میں چار دن کے لیے ڈرائی ڈے کا اعلان کیا ہے ۔
