چنئی: ڈی ایم کے کے سربراہ ایم کے اسٹالن نے جمعہ کو کہا کہ تمل ناڈو حکومت کو ریاست میں قومی آبادی کے رجسٹر (این پی آر) کے عمل کی اجازت نہیں دینی چاہئے۔
تمل ناڈو حکومت کو ریاست میں این پی آر کے عمل کی اجازت نہیں دینی چاہئے۔ ڈی ایم کے پارٹی عوام سے ملنے جارہی ہے اور وہ شہریت ترمیمی قانون (سی اے اے) اور نیشنل رجسٹر آف سٹیزن (این آر سی) کے خلاف 2 سے 8 فروری تک دستخطی مہم شروع کرنے جارہا ہے۔ اس عمل میں اتحادی جماعت کے تمام رہنما اور کارکن بھی شامل ہوں گے۔ ہم مہم مکمل کریں گے اور ہندوستان کے صدر کو میمورنڈم پیش کریں گے۔
انہوں نے مزید کہا کہ میں طلباء دکانداروں اور تمام طبقات سے اپیل کرتا ہوں کہ وہ اس دستخطی مہم کی حمایت کریں۔ امیت شاہ کہہ سکتے ہیں کہ وہ سی اے اے کو واپس نہیں لیں گے لیکن ہم احتجاج جاری رکھیں گے۔ ہم صدر رام ناتھ کووند سے ملنے کا وقت مانگیں گے اور سی اے اے کے سلسلے میں ان سے ملاقات کریں گے۔ تھنڈائی پیاریار کے مجسمے کی توڑ پھوڑ کے بارے میں اسٹالن نے کہا: “یہ بات قابل مذمت ہے کہ ٹھنڈئ پیریئر کے مجسمے میں توڑ پھوڑ ہوئی۔ اس حکومت کو اس طرح کی توڑ پھوڑ کے مرتکب افراد کے خلاف کارروائی کرنی چاہئے۔