بنکاک، 11 نومبر (یو این آئی) تھائی لینڈ نے بارودی سرنگ دھماکے سے اپنے 2 فوجیوں کے زخمی ہونے کے بعد کمبوڈیا سے امن معاہدہ معطل کر دیا ہے ۔ غیر ملکی میڈیا کے مطابق تھائی لینڈ نے کمبوڈیا کے ساتھ امریکی حمایت میں ہونے والا امن معاہدہ سرحد پر بارودی سرنگ کے دھماکے میں اپنے 2 فوجیوں کے زخمی ہونے پر منسوخ کردیا ہے ۔ تھائی لینڈ کے وزیراعظم انوتین چرنیوراکل نے کہا ہے کہ امن تب تک معطل رہے گا جب تک تھائی لینڈ کے مطالبات تسلیم نہیں کیے جاتے ۔ تھائی لینڈ، کمبوڈیا کے رہنماؤں نے امریکی صدر کی موجودگی میں توسیعی جنگ بندی معاہدے پر دستخط کردیے کمبوڈیا کی حکومت کی جانب سے کہا گیا ہے کہ وہ ابھی تک معاہدے کی تعمیل چاہتے ہیں۔ بتاتے چلیں گزشتہ ماہ تھائی لینڈ اور کمبوڈیا کے درمیان میں سرحدی جھڑپوں کے بعد امریکی صدر ڈونالڈ ٹرمپ کی موجودگی میں امن معاہدہ طے پایا تھا۔
