پٹنہ:بہار کے نائب وزیر اعلی تیجسوی یادو منگل کو دہلی میں انفورسمنٹ ڈائریکٹوریٹ (ای ڈی) کے سامنے مبینہ طور پر نوکری کے لیے زمین کے گھوٹالے سے متعلق منی لانڈرنگ کی تحقیقات کے سلسلے میں پوچھ گچھ کے لیے پیش ہوئے۔ تیجسوی یادو سے تفتیشی ایجنسی نے 9 گھنٹے تک پوچھ گچھ کی۔ ای ڈی کے دفتر سے نکلنے کے بعد میڈیا سے بات کرتے ہوئے آر جے ڈی لیڈر نے کہا کہ ہم پہلے ہی کہہ رہے ہیں کہ جب سے حکومت بنی ہے یہ سب کچھ ہو رہا ہے۔ 2024 کے لیے سب کچھ کیا جا رہا ہے، جب ہم نے کچھ نہیں کیا تو پھر کیا پوچھیں گے۔
