کینبرا۔ بین الاقوامی اولمپک کمیٹی (آئی او سی) نے آسٹریلیائی تیراک اور تین مرتبہ کے اولمپکمیڈل جیتنے والے برینٹن ریکارڈ کے خلاف ڈوپنگ کے الزامات کو ختم کردیا ہے ۔ امریکہ میں مقیم ورلڈ سوئمنگ میگزین نے یہ اطلاع دی۔سمجھا جاتا ہے کہ 2012 کے لندن اولمپک گیمز میں بنائے گئے ریکارڈوں کے نمونوں کی دوبارہ جانچ کے بعد آئی او سی نے نومبر2020 میں ان کے خلاف ڈوپنگ مقدمہ کی تحقیقات شروع کی تھی۔ درحقیقت معائنہ میں ریکارڈ کے ممنوعہ مادے ڈائیوریٹک فوروسیمائڈ کا انکشاف ہوا تھا، حالانکہ ریکارڈ نے بعد میں ایک بیان میں کہا کہ یہ مادہ کم تھا اور اس نے کبھی جان بوجھ کر ممنوعہ مادہ استعمال نہیں کیا۔ یہی نہیں پچھلے سال کے آخر میں ہونے والی سماعت کے دوران اس نے کورٹ آف آربیٹریشن آف اسپورٹ سے اپنے خلاف الزامات خارج کرنے کی اپیل کی تھی۔اس سلسلے میں امریکہ میں مقیم تیراکی کے عالمی میگزین نے نے کہا ہے کہ آسٹریلیائی تیراک کے خلاف ڈوپنگ کے الزامات ختم کردیئے گئے ہیں ، حالانکہ میگزین کے مطابق ریکارڈ کو اب بھی عدالت میں 50000 ہزار ڈالر سے زائد جرمانے ادا کرنے ہیں۔
